黃宗澤上月底在北京拍攝劇集《覆雨翻雲》後與其他藝員外出，有傳在夜店遇襲。經過一星期休養，昨日黃宗澤在無綫戲劇分部助理總監梁家樹陪同下在電視廣播城向傳媒交代遇襲經過，其鼻樑上至眼眉留有約兩吋的傷痕，仍未完全消腫，而昨日他隨即趕返北京開工。
黃宗澤否認在夜店生事才遇襲，他說：「當日收工後同康華、陳浩民同姚樂怡喺大牌檔消夜，有fans要求浩民簽名影相，點知走時有啲濕軟物體掟過嚟，重見到有個內地人用北方話鬧我哋。當時覺得對方飲醉酒，我哋都唔想同人爭執，於是浩民去埋單，我同女仔行先，行到出路口經過班人張枱時見對方有所行動。最近佢哋嘅係康華，我即刻攝去佢哋中間，之後回頭時已經乜嘢都睇唔到，俾人襲擊，跟住流血企唔穩，浩民佢哋就送咗我去醫院，住咗一晚就返香港。」
而梁家樹表示黃宗澤遇襲後已抽調通告，好讓他有充足時間休息，故對拍攝進度沒影響。
採訪、攝影：卓寶花