前布政司鍾逸傑前晚以「同心同根萬里行」嘅召集人身份，去到無錫出席由香港電台舉辦「太陽計劃2004大滙演」，喺節目圓滿結束之後，鍾逸傑就上台致辭多謝有份參與今次演出嘅工作人員同表演嘉賓，同埋近三萬位冒雨都去捧場嘅觀眾。鍾逸傑係中國通，全程都係用普通話致辭，全冇溝通問題，所以台下嘅觀眾都大拍手掌。
事後鍾逸傑都有去到慶功宴，佢重同埋「同心同根萬里行」考察團團長康寶駒、助理廣播處長邵盧善一齊向演出藝人敬酒，當佢哋行到去記者枱時，容祖兒咁啱接受緊訪問，於是邵盧善就邀請埋佢合照，但係唔知點解祖兒企喺康寶駒隔籬表現得好唔自然，重成日擰側塊面。
當年康寶駒牽涉梁思浩遇襲案，事後獲得無條件釋放，相信祖兒唔係因為呢件事而表現得面左左啩？
（圖左起）鍾逸傑、康寶駒、容祖兒同邵盧善四位喺無錫嘅活動聚頭，齊齊合照。
傳真︰2623-9278
電郵︰