𠵱家得番一個幾月，就到人月兩圓嘅中秋佳節啦，大使見地鐵站廣告燈箱、鬧市街頭、報紙雜誌同電視，呢排都有好多各大商號嘅月餅廣告，積極爭取顧客。
不過，對於貧困弱老同孤寡家庭嚟講，佢哋連應付一日基本三餐都覺得吃力，遑論花錢購買應節食品過節，對於佢哋，每逢大時大節，往往只會徒添傷感。
有見及此，蘋果日報慈善基金一如既往，特別設立「蘋果愛心月餅專戶」，募集各界善長嘅捐款，資助社會服務機構舉辦慶祝中秋活動，派發月餅畀弱勢社群。
今年呢個專戶到目前為止，已經收到21間機構申請合共9,500個愛心月餅，需求好大，相信申請重會陸續有嚟，蘋果基金將會因應專戶收到嘅善款，分配資源。
事實上，以一個愛心月餅嘅慈善價約15蚊計算，善長只要捐出100蚊，就可以令到6位獨居長者或無依孤寡，得嘗一口美味月餅。
「蘋果愛心月餅專戶」捐款編號：C0640
暖流熱線
電話：29908688
傳真：23702192
電郵：
網址：