香港島選情目前睇好似比較簡單，因為冇番咁上下實力，都唔敢嚟硬撼，呢區叫做「主席之爭」，當選都唔夠好，要高票當選先掂。
港島張張名單，包括今日先報名民主派雙團隊，都係重磅級，范太係立法會主席，一人出戰以示獨立，對佢嚟講，多多票都唔拘。
馬力首次以民建聯主席身份出直選，一樣係許勝不許敗，但係講老實話，佢多年來除咗識得鬧香港電台，又的確冇乜政績可言，不過民建聯嘅親中鐵票相信足以保馬主席入會。
至於民主派就最遲報名，白鴿黨一個現任主席同一個前主席排一條隊，李柱銘為大局，自願排楊森後面，梗係要全面谷票，保住馬丁個位。而有「民主女神」之稱嘅余若薇亦都做過大律師公會主席，佢同何秀蘭組一條女子隊，吸票能力亦不容忽視。
加埋阿牛條隊，香港島倒瀉籮蟹，港島選民真係要好認真咁諗吓點投，先可以確保六個議席都由最維護香港人尊嚴利益嘅人贏晒，而唔係親中擦鞋奴人選取得。
傳真︰2623-9278
電郵︰