衞生署長林秉恩為咗推動無煙酒吧，噚日帶埋未夠秤嘅仔仔蒲吧，不過未成年當然唔飲得酒啦，而全場都冇人食煙㖭。
呢間酒吧喺中環蘇豪區嘅閣麟街，叫做BubinJack，可能係香港史上最清純嘅清吧，清到連煙仔都唔准食。所以吸煙與健康委員會主席左偉國亦都樂意幫呢間吧宣傳，噚日呼朋喚友落吧大飲特飲。
除咗林秉恩同喺外國讀緊中學嘅仔仔一齊來之外，亦有唔少鬼佬鬼婆拖埋BB嚟蒲，場面十分之特別，就好似去咗社區中心，又或者冒險樂園咁！
（圖）林秉恩同仔仔（中及右）蒲無煙酒吧，左偉國（左）亦都係座上客。
傳真︰2623-9278
電郵︰