魏女士 金融業
「我覺得啲軍備普通咗啲，唔夠壯觀。軍人步操時，動作唔係太大，睇得冇咁興奮。我以前覺解放軍好威，𠵱家見得多咗，神秘感少咗，覺得佢哋平民化咗。」
林先生 學生
「今次閱兵好有紀律，不過國內嘅閱兵就大型好多，相比之下香港閱兵就唔夠壯觀。」
Allen 英國遊客
「我來港旅遊十天，住在一個中國家庭中，他們有票，所以帶我一起來。我覺得這裏很熱，而最想看的是直升機之類的軍備。」
梁先生 食店東主
「今次閱兵可以見到解放軍國防力量咁強大，覺得自己國家好強，大家都冒住高溫天氣來捧場，可以見得係對國家嘅擁戴。」
何小姐 文員
「印象最深刻係操兵好整齊，亦都凸顯咗團結精神，希望以後喺特別節日都可以安排參觀，但搭車市民秩序真係麻麻哋。」
郭先生 餐廳東主
「閱兵儀式麻麻哋好睇，但交通安排得好差，行出嚟要半個鐘以上，一路行一路見到啲人暈倒，十字車又入唔到去，好後悔嚟。」
林先生 司機
「行出嚟好似走咗成條彌敦道咁遠，又熱又曬，好似走難咁，最好解放軍可以諗吓安排接駁巴士，如果再係咁，下次就唔會嚟。」
蕭先生
「同個仔特登踩半個鐘單車嚟呢度睇閱兵，隔住鐵絲網雖然睇唔到兵，只係睇飛機，覺得威風八面，見到咁多人都已經好開心。」
