香港汽車潮流大興MPV車款，無論中、小型又或者高級豪華車級別，亦一直不乏捧場客支持，其中跟一般四門家庭車售價相若（約12萬）的大發Atrai7，代理近期重追加上內置DVD影音系統，加上本身七座位靈活變化，置身其中既有出眾的享受，同時間重較一眾同級房車實用得多。
記者、攝影：陳偉林 ImageGirl：Gillian
踏入座艙後的感覺不錯，皆因左右雙趟門配搭，還有低地台鋪排，令出入變得輕鬆自然。再者，舉頭望見新追加的DVD影音系統連高質屏幕，既富視聽之餘重予人有大型MPV車的好享受。其次，前後獨立冷氣送風及照明裝備，更給人透心涼意。至於最教人欣賞嘅係中、後排可摺合設計，更可變成一張偌大的床鋪，好啱郊遊歇息用。
這輛小巧的7人MPV車，不過用上一台1.3公升直4引擎，但匹配上4前速軚式自動波箱，起跑加速感強而有力，而車尾原廠大口徑排氣喉組合，重每於高轉時候呼出雄渾響聲，活現出小跑車氣息來。雖然這部Atrai7車體窄長又高，但駕駛時候走彎卻未有岌岌可危、兩邊搖晃不穩的現象，我用來穿梭於港島灣仔舊區的街道上，都不知幾稱職呢！
方匣子造型的Atrai7外表包裝不落俗套，首尾既有一體式泵把連整流設計，看去跑格鮮明又突出，其次，多盞式頭燈同霧燈配搭，還有高置尾定翼及四輪跑車合金胎軨組合，都係時下吸引年輕買家不可或缺的好元素。
1.車尾頂置High-mount煞車燈連定風翼，有多一份安全感。
2.直立式尾燈組合好配合方匣形車身。
3.車尾泵把附整流設計外，左旁重有粗勁尾喉組合。
引擎：1297cc直4DOHC
馬力：92ps/6000rpm；扭力：12.7kgm/4400rpm
傳動：4前速動波，後輪驅動
懸掛：（前）麥花臣支柱（後）拖曳臂
制動：（前）透氣碟（後）鼓式（ABS）
輪胎：175/65R14DunlopSP10
尺碼：3765×1515×1810mm
軸距：2430mm；車重：1140kg
平均耗油：16.2km/L（日本10.15模式）
車輛提供：皇冠汽車（28276328）
