端午節都過咗成個月，重有得划龍舟？冇法啦，辦咗二十八年嘅國際龍舟邀請賽，今年差啲冇錢搞，政府康樂及文化事務署只肯畀四十萬，但呢場為期兩日嘅大賽就要足足成五百萬先辦得到。香港龍舟協會惟有左撲右撲四圍撲水，最後終於由內地五糧液集團同埋尖沙嘴街坊福利會分別贊助二百八十萬及一百五十萬，先至搞得成，但舉辦日期就要由原定嘅七月三日改為七月三十一日及八月一日舉行。
噚日來自本港同外地嘅健兒在攝氏三十二度高溫下，喺沙田城門河順利完成所有賽事。今年香港事事靠CEPA，今屆國際龍舟賽都新增一場五糧液CEPA龍舟精英賽，香港隊就係威係勢贏咗冠軍。
傳真︰2623-9278
電郵︰