今朝一早七點半，幾位參選立法會嘅《基本法》45條關注組成員，就喺港島金鐘地鐵站C出口派最新印好嘅傳單「給香港一個新開始」。
「大狀黨」一共派出四位候選人，三個直選以及一個功能組別，新傳單今次打正旗號，四位大狀嘅分工亦清清楚楚，梁家傑負責房屋及城市規劃政策；余若薇負責教育同環保等政策；湯家驊負責經濟政策；吳靄儀則睇住法治，雖然佢哋一直話唔會組黨，但睇嚟四個真係缺一不可咁嘅陣勢。
每位大狀亦有自己嘅傳單，湯家驊就請名人好友助陣，前廣播處處長張敏儀於湯大狀嘅傳單中話：「有湯家驊，你對直選還有疑問嗎？」最近盛傳會出戰直選嘅大班鄭經翰亦撰文，呼籲選民「給湯家驊一個機會，就是給香港民主一個機會」，表示全力支持湯大狀。
（圖）四位大狀笑容燦爛，好切合新傳單「給香港一個新開始」嘅主題。
傳真︰2623-9278
電郵︰