泰國女歌手TataYoung前晚在中環一酒吧舉行巡迴演唱的尾站,黃伊汶、藍奕邦、鄧穎芝及潘楚穎等都有到場。
TataYoung演唱多首歌曲,觀眾掌聲連連。本來大會邀請函列明鄭融也會捧場,結果當鄧穎芝到場時,藍奕邦有朋友誤認她為鄭融,藍奕邦即澄清說:「佢係我師妹鄧穎芝呀!」鄭融則身在紅館欣賞鄭秀文個唱而缺席。
鄧穎芝接受訪問時說:「我成日俾fans認錯係鄭融,問我攞簽名,我都有應佢哋,我怕俾人話寸嘛!不過我唔尷尬,似佢都好呀,佢上年攞新人獎㗎喎。」
採訪:蔡如玉
攝影:仇志德