民政事務局局長何志平同歌手陳小春，噚日喺尖沙嘴文化中心露天廣場，出席「《基本法》演講比賽」。
陳小春表示自己都認識基本法，佢知道《基本法》有一百六十條，佢好贊成基本法施政。陳小春話：「呢次大會邀請我做活動嘉賓，我覺得好榮幸，我最開心係同何局長（何志平）一齊坐低傾偈。」陳小春甫到場，喺現場記者拉攏之下，佢即刻走過去同何局長合照同握手，鬼咁熱情。八方見到小春同何局長坐埋一齊之後，佢哋的確傾得好投契，唔知佢哋傾啲乜嘢呢？
陳小春重透露遲啲會幫政府拍攝有關《基本法》嘅宣傳短片，佢話幫政府做嘢係唔應該收錢，咁先係香港人嘅精神，所以佢呢次都係義務性質嘅。
（圖）陳小春（左）同何志平（右）唔單止鏡頭前好老友，坐埋一齊都傾得好投契。 黃君怡攝
傳真︰2623-9278
電郵︰