韓國靚仔元斌，前日為佢有份主演、扮演細佬嘅新片《我的哥哥》舉行記招。喺記者會上，元斌就話佢唔會當《我》片係佢入伍前最後一部作品，如果有好嘅電影，佢都會繼續演出，因為距離入伍都重有一段時間喎。此外，由元斌同張東健主演嘅電影《太極旗飄揚：生死有情》，九月十號喺洛杉磯同紐約上映，之後重會陸續喺全美國三十五個城市上映㖭。