證監會噚日舉行傳媒同樂日，係幾年嚟嘅第一次。早上，一班記者同證監職員，喺證監會中環寫字樓集合後，然後一路往金鐘再向寶雲道一路行，以跑馬地賽馬會會所為終點。咁難得，八方當然都有報名參加啦！
天朗氣清，真係行山好日子，但路上真正感受到嘅，係一眾行家同主席沈聯濤嘅距離，事關主席一馬當先，都無乜邊個可以跟得上。到中午，大家到達馬會午宴，證監就筵開五席，同我哋玩遊戲。聽主席講，佢個人好鍾意行山，所以每朝都盡量抽時間，喺山頂住所附近行山四十分鐘。主席之前喺金管局打工時，都有同總裁任志剛同行，不過近年去咗證監會揸弗之後，二人同行就少咗咯！
傳真︰2623-9278
電郵︰