大口仔香取慎吾最近積極為佢即將上映嘅電影《忍者小靈精THEMOVIE》宣傳。而前日就傳嚟好消息，話《忍》片嘅預售情況好理想，預售票由六月十二號開始發售，到現時為止已賣出咗二萬幾張，比起《世界中心呼喚愛》當時預售票嘅四千張，贏足幾條街。聽到呢個消息，香取就話：「好感激大家嘅支持，希望電影上映之後，票房都係《世》片嘅五倍。」