今個星期有唔少新作推出，單係PS2都有成十隻，加埋XBOX、GC同GBA，真係唔嘢少。由於PS2代理商用新制度控制咗零售價，所以表面上新Game賣價冇乜下滑，不過情形僅限於特約專門店，非特約店就當然冇咁守規矩啦，想買平Game不妨行多幾間格吓價都未遲。今個星期PS2新Game之中，以動畫改編嘅《海賊王：OnePiece》最為缺貨，不過定價成$450，相信都幾難炒得起。而向有「炒味」嘅GCGame，就連《PaperMarioRPG》微炒後，終於進入斷貨階段，下一批貨要$380都睇怕冇乜走雞。至於出完又出嘅《FINALFANTASYI、II》，今次輪到GBA上推出，又係搶錢格，加個最後迷宮、再用番之前WonderSwan版嘅畫面，盛惠380大元，值唔值就見仁見智喇。
文：打機鐵人