瑪利奧曾經喺多代任天堂主機出現，由以往2D平面到3D立體玩法都曾經試過。今次於GameCube新出《PaperMarioRPG》更有新突破，變成紙板遊戲，2D角色配上3D場景，瑪利奧更可以喺廣大地圖上運用「紙張」力量進行探險，機迷玩落一定覺得夠晒創意，而傳統瑪利奧Fans更係玩得夠過癮，近期機迷必玩之作。
記者：許福合
遊戲資料
主機：GC
人數：1名
廠商：任天堂
類型：ARPG
售價：$380
任天堂遊戲每次都有唔少隱藏秘技，《PaperMarioRPG》都有唔少，以下就係筆者試玩時發現，供各位作個參考。
當要用星星前，先進行Save，再用星星盡量碰敵人賺取經驗值，當變回正常狀態，就自殺，再Load番之前個Save，會有番星星，但經驗值卻保留下來，不斷使用可無限使用星星技。
接近爆機前，記住要到鼴鼠村Moleville買煙火；不過由於煙火價錢比較貴，大家記得儲定錢，咁爆機畫面就會變得更完美。
到BeanValley之前，先到Booster'sTower同小丑KnifeGuy玩猜球遊戲，贏出12次後得到BrightCard，再到BeanValley嘅五個水管處，進入左邊水管，當中有金色大鏈球，打敗後到角落跳三下，聽到特殊音效就正確，會出現秘道，進去後就可以在大地圖找到GrateGuy'sCasino。
《PaperMarioRPG》原本稱為《MarioStory2》，於E3前才正式更改名稱，更貼切遊戲內容，遊戲中主要仍由一眾任天堂主角瑪利奧、路易奇與碧琪公主擔正，與《Mario64》等前作不同，不再強調遊戲立體視覺，更着重遊戲動作元素，與第一代《Mario》有唔少相似地方。
遊戲中最特別係所有角色皆以紙片所構成，人物設定可愛生動，紙片角色配上立體場景，效果特別，好有童話Feel。玩家進行遊戲時，更要學習利用紙嘅特性通過障礙，如變成紙飛機自高處滑翔而下，又可以變身紙船渡河，當去到狹窄地方，更可變成紙張穿過細縫，只要夠想像力，乜嘢都可以發生。
玩慣瑪利奧系列嘅Fans，對《PaperMarioRPG》肯定特別易上手，移動與戰鬥過程中都加入咗瑪利奧系列特有動作要素，除咗上文提到嘅「變身紙張」外，瑪利奧嘅基本攻擊仍然係跳起，再喺敵人頭上用力踏一腳，遇到強敵更可使用鎚仔等武器，不過最好用都要數StarPower，能使出超必對付敵人，試玩時還發現只要掌握時機按鍵，攻擊及防禦力都會得到提升，能輕易將敵人擊倒！另外還見到上集曾經出現嘅小徽章，會出現為瑪利奧提供特殊技能，例如加強跳躍力或令敵人頭暈，令戰鬥方式更多元化。
DreamStore
地址：灣仔東方188商場256號鋪
電話：25753285
