唔見買餸錢細佬都拖甩
超市極速掃貨爭霸戰
為鍛煉小朋友的獨立性和應變能力，我們趁暑假舉辦了別開生面的「超市鬥一番大賽」。比賽招募了4隊「小蘋果」，每隊2人，要鬥快於超市內買齊菜單所指定的食物。購買內容包括蔬菜、生果、飲品及零食四大項目。每組獲分派$100買餸錢，必須完成付款手續才算衝線過關。比賽以快、準、齊為勝，過程烏龍百出，且看誰能登上超市大王寶座！
記者：餐蛋麫 攝影：大頭菜
場地提供：吉之島將軍澳東港城店
賽前檢閱
廢話少講，先介紹參與是次超巿掃貨兵團的四隊黃金陣容：
雖然我哋只識咗五分鐘，但已經有晒部署，事關晴風於賽前一晚已與嫲嫲實地考察，佔盡地利之優。
菜單：
．節瓜一斤
．豐水梨兩個
．236毫升高鈣低脂奶兩盒
．66克朱古力脆條一盒
我哋係差唔多日日見嘅同班同學，有晒默契，況且「路在口邊」，唔識咪問人囉！
菜單：
．菠菜一斤
．青布冧七個
．236毫升鮮豆漿三盒
．60克BBQ薯片一包
一二三開始計時
比賽正式開始，「小蘋果」都爭分奪秒，上演幕幕急步推車、見人過人的場面。
就算拖住個4歲唔夠嘅細佬我都唔驚會包尾，一於全力以赴做到最好。
菜單：
．莧菜一斤
．椰王兩個
．180毫升錫袋裝橙汁兩包
．140克黑加侖子軟糖一筒
唔好以為我哋兩姊妹身形纖幼就好好蝦，一陣間贏咗冠軍實剝晒你哋棚牙。
菜單：
．大白菜一斤
．木瓜仔一個
．150克芒果味乳酪兩盒
．炭燒百力滋一盒
「公主與野獸」好醒目咁拎咗架手推車，一馬當先話咁快已掃了兩袋食物，形勢大好。
「同班同學」一直以「龜」速前進，策略是以慢打快。但Desmond搞完一大輪先知豆漿原來有咁多唔同種類。唉！搵到重要搵啱毫升！買飲品已經嘥咗好多時間。
還是全女班的「姊妹情深」最小心謹慎，買完指定食物後不忘覆查一次，確保萬無一失。
論盡快遞
要小朋友自己買餸，點會冇論盡嘢？有出茅招、有擺烏龍，爆笑連場。
本來「孖寶兄弟」有個8歲的大哥哥東東坐鎮，稍佔便宜。可惜拍檔卻又是全場年紀最細，未夠4歲的細佬一一。「點解包橙汁要放到咁高？細佬又幫唔到手，我惟有頂硬上。」
公主話：「高鈣低脂奶都有好多牌子，不如買最平嗰盒！」Tiger聽晒公主話，實行以最快速度買最經濟食品。知慳識儉，加分！
Tiger去到蔬菜部同主管話：「節瓜一斤，多少少都唔得！唔該，快。」最後Tiger重要自己Check多次，睇吓係咪啱秤！
衝線一刻戲劇化
所謂一日未畀錢，一日都未知鹿死誰手，帶頭的可以變包尾，世事無絕對！
Tiger好似對賽果有啲唔服氣，到服務台詢問「紅衫魚」的下落，重填埋張遺失表格備案。大人都以為凍過水，但點知原來真係有人路不拾遺，最後Tiger成功取回100大元，失而復得，都算執番個尾彩！
搵極都搵唔到芒果味乳酪，連媽咪都要幫手齊齊搵！喂，好似有啲犯規喎。
顧住鬥快，拍檔兼細佬去咗邊？好彩只係俾人哋架車遮住咗！
登登登櫈結果係……
經過一輪激戰，終於有結果。值得一讚是全部10歲未夠的小朋友，都依足菜單買餸，個個攞足100分。勝負便只取決於快慢，但其實贏輸都無所謂，最緊要開心！
正當Tiger重搵緊錢之際，反被全程他他條條的Desmond捷足先登，迎頭趕上到收銀處完成最後步驟！
姊妹花勇奪全場總冠軍，「我哋係食腦㗎嘛，整番個勝利手勢先！」
一直帶離成條街，最衰唔見錢，無話可說啦！惟有下次再接再厲。
