入行三年宣布已長大
阿嬌享受每一對目光

Twins成員鍾欣桐（阿嬌）接受雜誌訪問時，大談入行三年的感受，阿嬌雖身為公眾人物，但她不介意在眾人目光下成長，只盼能不斷進步。

鍾欣桐近日接受雜誌《Cosmopolitan》訪問，穿上黑色吊帶裙的她，在鏡頭前搔首弄姿，還大談自己入行三年的蛻變。
阿嬌透露入行三年已改變不少，除了搖身成為年輕人的偶像外，最大改變是人生態度。

歌路漸轉變
阿嬌說：「其實一直都只係其他人覺得我哋（Twins）係細路女，我就唔認同。好多人對我哋嘅印象，都停留喺初出道時候嘅形象，可能係大家先入為主嘅影響。𠵱家開始踏入第四個年頭，見識多咗，學到嘅嘢都唔少，人都成熟咗。其實我哋𠵱家唱嘅歌曲，同第一張唱片比較，已經完全唔同晒。」
阿嬌身為公眾人物，沒甚麼秘密可言，她坦言在大眾目光下成長，壓力確實很大，她說：「我今年二十三歲喇，從來都唔介意人哋知道我嘅年齡。俾人睇住自己成長其實冇乜嘢好介意，因為嗰啲根本唔係問題，最重要係自己喺成長中要有進步。其實出道至今，有人留意自己會感到開心，如果冇人留意就慘啦！」

慘遭鹹豬手
此外，Twins日前到東莞舉行演唱會時，蔡卓妍（阿Sa）慘被男歌迷鹹豬手輕薄，嚇得她目瞪口呆。而Twins昨日又連走兩場，分別到尖沙嘴出席「2004兒歌金曲頒獎典禮」記者會，以及到九龍城文具店出席電台活動。她們要在文具店咬着酒塞講急口令，又比賽包書，但卻烏龍百出。