方力申早前代表香港為奧運傳聖火，能夠參與這次盛事，他覺得熱血沸騰和引以為傲。方力申還自爆傳送聖火時，被指跑得慢，要他加快腳步。
方力申日前代表香港運動員到雅典傳送奧運聖火，跟著名女足國家隊前隊長孫雯碰面。向來喜歡足球的方力申，與對方分享足球心得，他前日接受本報訪問時說：「我同孫雯傾吓大家鍾意邊隊球隊咁囉，冇交換電話呀，只係見到面傾吓偈啫。」
今次傳聖火對方力申來說意義重大，他說：「傳火炬之前要開會，講喺全世界同時間只得一個人手持聖火，邊個手持聖火，就代表住奧林匹克精神，聽到我熱血沸騰，覺得好驕傲。傳嘅時候，初時佢哋叫我enjoy啲跑慢啲，之後又嫌我慢，叫我跑快啲。」
方力申此行買了不少奧運紀念品，亦在街邊攤位購買銀器，連希臘文書籍亦不放過，他說：「我唔識希臘文㗎，都係貪得意啫。」問方力申在希臘可有豔遇？他笑說：「當地好多露天餐廳同酒吧，夜生活都多姿多采，啲女仔樣都OK㗎。男仔靚唔靚？我冇留意男人喎，亞洲人行街會俾人望，不過佢哋好友善嘅。」
採訪：張止寒
