美國讀書　暑假支援祖國
謝玲玲千金湖南捱苦做義工

林建岳前妻謝玲玲前晚偕同女兒林心兒往灣仔會展，欣賞美國女歌手雲妮侯斯頓演唱會。謝玲玲透露為要女兒體驗貧苦生活，暑假期間會安排女兒往湖南做義工，協助當地教師學英文。

美國女歌手雲妮侯斯頓（WhitneyHouston）來港獻唱，前晚於灣仔會展舉行演唱會，吸引不少名人前往欣賞，包括賭王何鴻燊四姨太梁安琪、林建岳前妻謝玲玲、李國寶潘金翠夫婦、甄妮偕女兒Melody和丁天立何穎雯夫婦等。
謝玲玲前晚偕同幼女林心兒赴會，現年十四歲的心兒長得亭亭玉立，謝玲玲大讚女兒說：「呢個女好乖㗎，佢喺美國返香港放暑假，呢個暑假佢唔會去玩，會去湖南做義工助教。」

做助教幫校長
謝玲玲續說：「呢個活動係由中國燭光基金主辦嘅，由一班香港嘅校長教當地老師英文，心兒同其他小朋友就做助教協助校長，可以畀佢體驗吓啲貧苦生活，我覺得好有意義，等佢知道𠵱家howluckytheyare。」問謝玲玲不擔心女兒安全嗎？她說：「有專人帶隊嘅，而且我都會跟埋上去嘅。」

何穎雯收身快
丁天立太太何穎雯則是產女後首次露面，前晚見身穿黑裙的她身材已接近產前模樣。
何穎雯說：「我冇特別去纖體呀，原來每日忙住湊女，做番一個媽咪應該做嘅嘢已經瘦得好快，我同老公𠵱家已經係換尿片專家啦。」
何穎雯又透露初生女兒Kirstin現在重十一磅，樣子則像丁天立多一些。