官恩娜（Ella）下月會再為許冠傑（Sam）演唱會任表演嘉賓，為了到時有更好表現，Ella日前首次試玩室內攀石，她附在攀石牆上近三十分鐘，扮女蜘蛛俠四處攀爬仍臉不紅氣不喘，體力不錯。
官恩娜下月又會為一連十二場的許冠傑演唱會做表演嘉賓，由於她又要宣傳處女唱片，加上要應付阿Sam的個唱，故日前她便前往尖沙嘴的一個室內攀石場，玩攀石鍛煉身手及體力。
Ella首次玩攀石，在攀石牆上爬來爬去近半個小時也未見疲態，惟動作有點雞手鴨腳，偶爾失足跣腳時也會喊驚。當Ella嚷着要翻看攝影師的數碼照片時即自嘲說：「啲姿勢好肉酸。」
事後問Ella玩攀石會否害怕？她即笑說：「唔驚，幾好玩呀，我細個住新界，成日通山跑嘅，同阿哥去捉蟲、捉蟻，我都好想試吓爬山，我夠膽玩笨豬跳，一生人點都要試一次，玩賽車就唔得啦，因為易有意外。」
問Ella有何keepfit秘方，她說：「以前英國讀書成一百二十五磅，𠵱家唔係刻意減，係做到瘦，最重要係做運動。」雖然屢次被阿Sam形容為靚爆鏡，但Ella不滿意自己外表，她想也不想即說：「手臂太粗，pat太肥，膊頭又橫得滯，我成塊面最滿意係左邊隻耳仔。」
此外，官恩娜今日於會展舉行的漫畫節中推出處女個人月曆，她表示第一次以三點式玩水look亮相，全因老闆夠誠意。官恩娜當日曾被巨浪沖低，她說：「我身材唔係咁好，估唔到會遇到波濤洶湧。」
採訪：朱倬誼 攝影：何國豪
場地：SportX（LCX）
服裝：dada/Misssixty
