張天愛早前在杭州舉行時裝展，新作貫徹她的crossculture風格，用了不少蘇杭絲綢配西方剪裁，加以洗水處理，營造破爛美的效果。
張天愛（Flora）早前在杭州舉行大型時裝騷，更一次過展出八個系列，共一百二十件新裝。張天愛越洋接受電話訪問說：「大會本來想我做一個回顧展，但我唔想只係畀番啲舊嘢人睇，所以就揀咗春夏季，同之前喺倫敦fashionweek嘅晚裝，一次過騷晒新嘅作品。」
時裝騷展出張天愛最專長的東西crossculture風格，以西方剪裁配合中國風及文化，她表示更特別用上杭州的絲綢，她說：「用咗好多蘇杭絲綢做材料，但唔係表現佢美麗嘅一面，唔要常見嘅亮麗、柔順，我將佢用沙洗嘅方法處理過，洗到霉霉爛爛，展現另一種破爛嘅感覺。」
張天愛又表示在杭州三天有緣遇上新星為她行騷，她說：「章子怡、那英未紅之前都曾經為我行過天橋，不過𠵱家人哋紅，再叫佢，sayno我就好尷尬。今次又好有緣份，我到達第一日去咗行寺廟，見到一個好靚、好有氣質嘅女仔拎住大束花，四周就好多人影相，原來佢係當地好紅嘅藝人，叫李萍，我即時請佢幫我行騷做司儀，佢一口答應，重唔收酬勞，真係太有緣！」
張天愛過往常參與香港時裝節，今年退出，她對此說：「內地贊助好足，重幫你請埋中央電視台呢類有份量嘅傳媒，唔同香港支援不足，傳媒焦點唔喺時裝，做完騷一張定單都接唔到，作用根本唔大，我將來都會繼續喺內地搞騷。」
問到生育大計，張天愛無奈地表示沒有時間造人，老公王盛德現時身在美國拍攝跳舞電影，兩人下月為王仁曼表演芭蕾舞後，九月又忙新一屆的Elitemodel選舉。
採訪：DebbieLum
