中大校長劉遵義七月上任後，見完學生、教職員同校友會，又見阿董、李國章，忙個不停。不過呢位校長都好識忙裏偷閒，個幾禮拜前就有人見到佢去九龍塘又一城嘅美食廣場食嘢，但嗰日人多，佢攞住啲食物好耐先搵到位，當時佢身邊重有個神秘嘅外籍少年。
八方噚日見到劉教授，八卦問吓個「鬼仔」係邊個，先知原來係佢位公子，係佢同外籍前妻所生，阿仔呢次嚟香港度假兼探爸爸。劉公子同爸爸一樣咁高，個樣就比較似阿媽，成個「鬼仔」咁。
劉教授出名識飲識食，估唔到都會去食快餐，佢同八方講，其實自己唔係咁嘴刁，好似幾十年前沙田重係好荒蕪時，佢好鍾意喺火車站買油炸豆腐食。
傳真︰2623-9278
電郵︰