森美在新片《甜絲絲》中擔正做男主角，除女主角Stephy外，還有多名靚女如官恩娜、樂基兒、黃伊汶、吳日言及董敏莉等合作，豔福無邊。森美日前與Stephy齊為新片到髮型屋學洗頭，他笑言會向導演要求與Stephy拍接吻戲。
森美簽約金牌經理人公司後獲老闆黃柏高力捧，繼早前與鄭中基合作電影《我要做Model》後，在美亞投資的新片《甜絲絲》中更會擔正做男主角，而女子組合Cookies成員Stephy則任女主角。
森美與Stephy在片中飾演洗頭水公司的市場推廣員，為了解產品的品質，他們要互相為對方洗頭，並以洗頭妙喻愛情。日前二人在電影公司安排下，在尖沙嘴一間髮型屋學習洗頭技巧。
森美擔任男主角即與多位靚女如樂基兒、官恩娜、黃伊汶、田蕊妮、吳日言、董敏莉及Stephy等人合作，豔福無邊，他談到此事時不忘發揮其搞笑本色說：「導演終於明白拍戲嘅目的啦！我會叫佢安排啲接吻戲畀我同Stephy。」
而首次做洗頭妹的Stephy顯得雞手鴨腳，事後她笑言幫人洗頭原來是一件難事，她說：「啲泡同水會周圍射，又要力度均勻，都幾難，可能要再練吓，因為要動作熟練啲。」
此外，官恩娜昨日出席一商台活動時，對於近日被指未紅先驕及在髮型屋喝罵助手一事，她否認說：「梗係唔會，我一向都好禮貌，絕對唔係咁嘅問題，我唔會咁講。不過之前喺一位公司高層面前講錯嘢，事後我有向對方道歉，可能自己唔識擦鞋，唔識講奉承嘅說話，以後我都會學吓。」
採訪、攝影：馮美茵
場地提供：ILColpoHairAvantGarde
