近日本報收到消息，指許志安將為鄭秀文（Sammi）演唱會擔任嘉賓，以便互相挽救正在下滑的事業，前晚安仔出席音樂會時打蛇隨棍上，自爆晚晚與Sammi煲電話粥。
許志安、楊千嬅、Twins、陳冠希（Edison）、薛凱琪及黃貫中（Paul）等，前晚在灣仔會展出席《id維新音樂會》，Twins成員鍾欣桐（阿嬌）在會上搶盡風頭，她在台前既與前緋聞男友Edison前後腳亮相，台下又獲現任緋聞男友房祖名撐場，難怪安仔也不執輸，連忙自爆晚晚與Sammi夜半輕私語。
問到安仔是否將為Sammi演唱會擔任嘉賓，以互相挽救下滑的事業，安仔起初詐儍說：「咁得意？唔知喎，邊度睇番嚟㗎？冇人聯絡過我做演唱會。」但其後他又自爆說：「我晚晚都有打畀Sammi，大家有聯絡，佢唱得唔錯呀。」問他會否出任對方個唱的嘉賓？安仔說：「佢先係主角，我冇諗過，大家係朋友，佢想咁咪咁囉。」
安仔表示如果觀眾要求的話，他也會做嘉賓，安仔說：「咁就梗係做啦，觀眾至上吖嘛。」之前安仔聲稱沒有看過有關報道，然而他又說：「又話救亡又話乜嘢，咪又係咁多人睇。」不過據悉Sammi不忿被指事業下滑、借安仔做嘉賓作宣傳，故欲打消找安仔任後日尾場嘉賓的念頭。
提到杜德偉在新歌MV中有全裸演出，安仔說：「男人性感唔係睇呢啲，睇才華嘅，女人就唔同，女人睇腳趾，一趾見真章。」那麼Sammi的腳趾如何？安仔只笑說：「乜你哋咁直接㗎。」
此外，阿嬌前晚表示在後台練踢腿時竟然爆呔，要由助手為她縫好褲子，而Twins唱《下一站天后》時也不斷甩嘴。另一方面，黃貫中在演出時，大會播出一張他多年前穿三角泳褲的照片，對此阿Paul說：「靠害，好似隻豬咁，babyfat。」他又表示會考慮在明年初的演唱會上向女友朱茵求婚。
採訪：卓寶花 攝影：林德雄
