今次立法會選舉，各方拚命搵猛人助選，早排傳話陳方安生想幫湯家驊助選，不過湯家驊婉拒咗，八方聽聞陳太最近同朋友講，呢次選舉應該唔會幫人助選嘞，因為驚順得哥情失嫂意。
不過參選社福界嘅方敏生當然唔同，佢係陳太堂妹，大家係親戚，陳太一定會支持，所以方敏生搵各方友好拍咗一套宣傳短片，陳太就係嘉賓之一。
八方噚日上方敏生嘅競選網頁，不過套短片就未有得睇。方小姐出到陳太呢個秘密武器，唔知佢嘅對手張國柱又有咩方法應對呢？呢個網頁又有好多名人簽名支持佢，包括俾平機會炒魷嘅余仲賢，另外重有莊陳有、張炳良、馮可立等人。方敏生今日就會交表，但可能怕引起場面混亂，佢嘅競選經理話咗陳太唔會同埋去。
傳真︰2623-9278
電郵︰