自從人大殺咗雙普選後，煲呔曾就搞咗幾壇政制研討會，畀各界發表吓對○七、○八年選舉嘅「意見」，但會上發表嘅意見愈來愈無厘頭，上次話要喺立會加入「風水界」，噚日就有人提議喺立會同選委會，加入「同鄉宗親界」、「互助委員會界」、「業主法團界」，好似將維園搬咗去研討會咁。
其餘搞笑嘅意見重包括，加入「娛樂服務界」、「能源界」，同埋將漁農界一拆二等等。唔知係咪冇乜高見，煲呔都冇眼睇，噚日開完會，連例牌向傳媒總結都唔做就鬆人，搞到班記者白白嘥咗兩粒鐘等。
另外，煲呔下星期會同老董去廣州，開粵港聯席會議，不過班官個個封嘴，唔肯講今年有乜大計。
（圖）煲呔（左）冇眼睇，開完會即刻鬆人。
傳真︰2623-9278
電郵︰