36歲的梁偉祥，為增加收入，養活妻兒，兩年前毅然轉行在船上當起卸工人，未料因此斷送寶貴性命。早前熱帶風暴「圓規」襲港期間，阿祥在搖晃的貨船上拆卸貨櫃，不慎失足墮下甲板，傷重死亡，遺下孤兒寡婦，愁對前路。
阿祥從來是一位守諾言的好丈夫、好爸爸，他曾承諾一生一世照顧及愛錫妻兒，可惜現在他已無法辦到。「阿祥應承囝囝過幾日帶佢去游水、釣魚，又話過同我一齊努力賺錢，遲啲兩公婆開間小食店，但𠵱家佢無端端走咗，我兩仔乸冇晒希望，以後都唔知點算。」梁太哽咽着說。
25歲的梁太，與阿祥結婚5年，育有一名現年4歲就讀幼稚園兒子。阿祥原本任職客貨車司機，由於收入不穩定，難以維持生計，年前遂決心轉行。
「阿祥揸咗客貨車好多年，屬於自僱形式，要有人叫車先有錢。自從囝囝出世之後，經濟壓力愈嚟愈大，所以阿祥希望轉行，搵一份正正經經嘅工。」
阿祥兩年前轉行在貨船上當貨物起卸工人，工作相當辛苦，但收入較以前理想。
正當一家三口憧憬着往後的幸福日子，阿祥卻遇上工業意外；本月15日凌晨，正值1號風球懸掛期間，阿祥於青衣海面起卸貨櫃時，疑因海面風浪太大，他失重心跌落10米下艙底，送院前已證實不治。
梁太哭訴：「當晚9點我重同阿祥通過電話，佢話夜啲收工會再畀電話我，點知半夜1點收到嘅電話係差館打嚟，佢話我老公出咗事，救唔番，送咗去殮房，我連佢最後一面都見唔到。」
至親離世，梁太哀傷的心情不言而喻，刻下她還要為殮葬費和生活費憂心。梁太本身為文員，月薪只有4,000餘元，現時頓失經濟支柱，令她彷徨不已。「我兩公婆人工唔多，每個月交租、水電雜費、囝囝書簿學費同伙食，基本上已將我哋份糧用清光；加上囝囝有哮喘病，睇醫生使錢特別多，𠵱家我戶口得番唔夠2,000蚊，都唔知點算。」
蘋果日報慈善基金有見梁太苦況，於「殮葬專戶」撥款20,000元，助她紓緩殮葬費方面的壓力，好讓阿祥早日入土為安。然而，漫長人生路，梁家孤寡亟待社會人士關心和援手。
捐款編號：C1456
為援助經濟緊絀家庭辦理殮葬事宜，蘋果日報慈善基金特設立「殮葬專戶」。去年該專戶已撥款超過91萬元，幫助63個喪親家庭。該專戶有賴讀者捐款支持，讓更多有需要家庭得到援手。
「殮葬專戶」捐款編號：C0339
暖流熱線
電話：29908688
傳真：23702192
電郵：
網址：