徐子淇、陳嘉容及LisaS.昨日往中環蘭桂坊出席隱形胸圍宣傳活動。有報道指徐子淇與男友李家誠閃電分手，她狂笑否認，並稱不想拍拖影響家人及男友的私生活。
徐子淇、陳嘉容及LisaS.昨日往蘭桂坊出席隱形胸圍宣傳活動，三人獲頒「完美肌膚」、「完美體態」及「最具魅力」獎項，現場有模特兒即場試戴隱形胸圍。
有報道指徐子淇與男友李家誠閃電分手，她一聽即狂笑說：「我冇咁好氣呀，上次又話有翻版子淇，𠵱家又話閃電分手，冇啲咁嘅事，我話咗唔再講拍拖嘅事，你哋影我就好啦，拉埋我同佢嘅屋企人就唔好。」
子淇續說：「本來今次返香港工作同放吓假，點知一出街就俾人跟，𠵱家啲傳媒真係有錢，話飛就飛，連霍啟山喺英國畢業禮都俾人跟，我都驚自己九月喺英國畢業時有同一命運呀！」
至於身材一向「坦蕩蕩」的名模LisaS.，昨日自爆上圍尺碼是AAcup，她說：「都有少少自卑㗎，以前行show點都堅持戴bra出場嘅，𠵱家用咗隱形胸圍，上圍由AA升到Bcup，自信心都提升咗，我會送呢樣女性恩物畀同我一樣係平胸一族嘅女性朋友。」
而曾與子淇傳緋聞的洪天明，昨日出席電影《龍威父子》開鏡禮時，被問到子淇表示有意退出娛樂圈一事，天明說：「係咩？我同佢冇聯絡好耐，如果佢結婚，我梗係戥佢高興啦。」
採訪：DebbieLum
攝影：HoKwokHo
