黎明昨日往澳門旅遊塔出席活動時，透露最大的心願是坐太空船遨遊太空，到八十歲時更希望跟心愛的妻子坐着太空船離開人世，他認為用這種方式離開特別浪漫。
黎明擔任樂聲牌Viera等離子電視代言人，該品牌昨日與澳門旅遊塔一起舉辦宣傳活動，除了黎明專程到澳門旅遊塔撐場外，何超瓊亦以旅遊塔會展娛樂中心主席身份亮相，現場有大批師奶fans一早到場等候偶像黎明。
澳門旅遊塔現場有笨豬跳供遊人一試，以前拍攝和記廣告時曾玩過笨豬跳的黎明，昨日沒興趣再試，他說：「如果我要玩，大家亦唔會知道，做藝人有機會係應該放吓假，搵個舒服嘅地方休息四、五日，我就想坐太空船飛上太空，如果飛上太空旅行嘅費用大約兩張頭等機票嘅價錢，我都認為值得。我心願係想到八十歲時，可以同心愛嘅太太坐住太空船離開人世，咁樣死係最浪漫嘅。」
而在場記者不斷追問黎明早前是否與舒淇在跑馬地撐枱腳？黎明說：「首先我想講嗰間店係冇後門，第二，嗰晚我係同幾位畫動畫嘅朋友食飯，我係諗住請佢哋食。點知埋單時俾佢哋爭贏咗，嗰晚舒淇根本唔喺度。」
黎明表示工作繁忙，平日極少約朋友出街吃飯，他說：「呢三、四個月，我好少出街食飯，所以李嘉欣又好，舒淇又好，幾個月嚟約人出街食飯都唔過三、四次。有時間我都會做啲有意義嘅事，唔會做令觀眾悶嘅事，一定會做觀眾想睇嘅事。」
記者魯萍澳門直擊
