奪麵雙琪事件連累Fans捱罵
GiGi苦盡甘來興奮談伊健

梁詠琪（GiGi）前晚出席商台活動，有女fans透露當年發生「奪麵雙琪」事件時，朋友知道她喜歡GiGi都會責罵她，但現已不再被罵，GiGi聞言後笑逐顏開，揚言不介意被重提舊事。

梁詠琪前晚在九龍灣國際展貿中心出席商台「903萬人迷大作戰」活動，擔任司儀的ILoveUBoyz在活動中不停取笑GiGi，一時笑她想嫁給男友鄭伊健，一時又要GiGi扮伊健的唱腔唱男友的新歌，GiGi對此並不介意，即在台上唱男友歌曲。

「𠵱家冇人鬧我」
前晚設有fans上台向GiGi讀出情深信件的環節，有女fans公開說：「早兩年啲人問我鍾意邊個偶像，我話鍾意梁詠琪，啲人會鬧我。」GiGi即愕然反問：「乜事呀？」女fans說：「你唔係唔知發生乜事呀？」這時GiGi才意會到對方所講的是當年「奪麵雙琪」事件，故她面色馬上一沉，在旁的ILoveUBoyz即打圓場說：「係講股災、樓市跌呀，啲嘢唔好再提啦。」
該女fans及後補充說：「但呢幾年你憑自己嘅努力，大家諒解咗你，𠵱家再話畀人聽我鍾意梁詠琪，冇人再鬧我啦，希望你快啲組織小家庭。」GiGi聞言即尖叫起來，還笑逐顏開。
事後GiGi向記者說：「我唔介意啲fans又講番，雨過天青啦，佢講心底話啫。」

自嘲「拾吓拾吓」
此外，前晚GiGi穿上女警制服上陣，原來她的兒時夢想是當警察，她說：「我覺得女警英姿颯颯，但自己就『拾吓拾吓』，好容易受傷，會畀啲賊反過嚟制服自己。」
採訪、攝影：李珮洳