夏日暢泳或戶外活動時，貪靚女士總會化個自然淡妝，遮掩瑕疵免失禮。尤其去到沙灘，簡單的化妝不但有助儀容，更有保護皮膚免受陽光、風沙或海水侵害的作用，一舉兩得！但要妝容持久妥當，就要識揀防水或抗汗的化妝品，加上化妝師的專業貼士，包你出油或出汗、上山或下海都無甩妝！
記者：梁珮瑜 攝影：林栢鈞、蔡鴻雯
模特兒：TingTing@Jamcast 化妝：VivNg
防水化妝品上會標明該產品是防水、抗水等，分別是不同的防水程度。選擇適當的防水程度化妝品，在活動前15分鐘上妝，便可防甩妝兼玩得放心。
Water-proof（防水）：最強的防水程度，水上或戶外活動無問題。
Water-resistant（耐水）：防水、防汗及防油脂，長時間戶外活動都得。
Sweat-proof（防汗）：出汗都唔易溶妝，適合夏天去街街用。
夏日最熱門活動當然係去游水、曬太陽，除了由頭到腳要防曬，輕描淡寫化少少妝亦無妨。今日請來星級美容師醒你專業貼士及推介，偷師學嘢係時候。
星級化妝師GaryChung是不少紅星的御用化妝師，佢話無論係戶外活動或落水，化妝定必要防水、防汗及持久。貼士係先塗防曬底霜，推介Covermark的防曬Lastingbase，然後上一層薄薄的粉底。可用防水的眉筆及睫毛膏，令眼睛更明亮，有需要可輕點上膏狀的眼影。不要用唇彩，塗曼秀雷敦有色潤唇膏已經好夠。「防水化妝千萬不可重手，否則更易脫妝！」
經常為雜誌報章及模特兒化妝的VivNg，認為如女生游水要化妝，要以簡單為主，可用遮瑕膏及必塗睫毛膏。推介Maybelline的任何一款睫毛膏，「狂洗狂喊都唔易甩！」
水上及戶外活動，多餘化妝可免則免，而不少化妝師及Model的心得，總會話就算唔搽粉底、唇膏或胭脂，但必塗Mascara。要無化妝都咁吸引，記得用膏狀質地的防水睫毛膏，電眼即速成。
至受歡迎的睫毛膏，勝在好用又抵買。新產品Skyhighcurves防水睫毛膏，用後令睫毛增長約30%、捲翹多約30度，配方溫和連戴隱形眼鏡者都適用。
史上第一支防水睫毛膏就是HR所發明，而Extravagant濃密防水睫毛膏就集捲翹、濃密及防水功能，唔會黐𣲷𣲷，效果持久。
AquadiorWaterproof防水柔翹睫毛膏，含棕櫚樹蠟及羊脂成份，可滋養保護及加強睫毛的捲翹濃密。
防水睫毛膏質地清爽及含維生素，能保護及令睫毛更濃密，除了黑、啡色，更有多款搶眼顏色可揀。
SplashproofLash睫毛膏能令睫毛更分明及纖長，同時防汗防水，效果持久。
長時間活動，不宜用高度防水的粉底，因為高防水成份會令皮膚透不過氣，容易引起敏感或毛孔阻塞。應選用耐水粉底或粉條，效果貼面兼持久。
想游水或戶外活動時更搶眼，不妨再配合以啡、橙或米色為主的簡約眼妝。用防水眼線筆，幼幼地畫一條上眼線，或輕點膏狀眼影在眼蓋，均勻推開便可。
