早前立法會主席范徐麗泰報名參選，大家對其重量級嘅提名人名單都十分驚訝，話選第三屆特首都掂。
八方問范太嘅選舉經理周德熙乜咁猛料搵到已經深居簡出嘅查大俠，周德熙就唔好意思咁話，其實佢同查良鏞比范太熟，所以可以話佢係中間人。不過，佢都補充，大俠係聽過范太一次演講，聽完後覺得好認同范太對政制發展嘅睇法，所以簽名支持。
周德熙重話，范太二○一二年普選嘅方案半年前已經構思好，並唔係最近嘅想法。
周德熙以前做官，同查大俠唔算相熟，但係一離開官場，就熟落得多。佢形容查良鏞雖然年紀大，但係頭腦靈活，性格活潑，同佢傾偈收穫良多。
至於范太，周德熙就猛讚佢勤力，朝朝六點去派傳單，佢都跟唔到咁多。
傳真︰2623-9278
電郵︰