八方早前喺馬會會所碰到退下火線嘅貿發局前行政總裁施祖祥兩夫婦同朋友食晏，施公着住件顏色鮮豔嘅名牌恤衫，成個人後生晒。
原來施太好緊張丈夫嘅look，怕佢退休之後，會老得好快，於是特別照顧佢衣服顏色配搭，一定要光猛啲，等佢lookyoung，施公真係有福咯。
自從退休之後，施祖祥同太太一齊坐船去玩咗一陣，之後就留喺香港，不過，由於朋友都好客氣要請食飯，所以施太成日唔使喺屋企開火。
見到施祖祥，八方當然唔放過問佢點睇香港個局，施公就講笑咁話，估唔到肥彭日日講加快香港嘅民主進程，但係都唔夠老董厲害，因為佢周圍好多以前不問政治嘅女士們，𠵱家口邊都講住九月投票畀邊個，你話董生係咪比肥彭好嘢。
傳真︰2623-9278
電郵︰