八方日前講過，話由於冇人肯上京接駐京辦主任梁寶榮個位，結果呢位寶哥哥被迫留京再坐一會。不過，最近又有好消息，就係衞生福利及食物局副秘書長聶德權已經答應，肯上京接駐京辦第二把手張寶德屬D4級嘅職位，九月應該成行。
張寶德其實駐京冇耐，就話有高就要離開政府去做學術審評局總幹事，搞到寶哥哥頭都大晒。對於聶副常秘嚟講，呢個係非常好嘅磨練機會，反正梁寶榮已經答應留任一年，佢可以有時間學吓嘢。
聶德權喺衞福局裏面專責老人服務，為人低調，亦非常口密，佢早前陪過特首辦主任林煥光去立法會出席沙士聆訊作供。原來聶兄同特首辦有過淵源，做過老董副私人秘書，唔怪得咁得當局信任，有得上京，在天子腳下接受培訓。
（圖）聶德權好快會上京接替張寶德嘅空缺。
傳真︰2623-9278
電郵︰