馬會最近通知啲有關人等，下個月底有四個董事嘅職位到期要進行選舉，當中三個都有意角逐連任一屆，即係做多三年，除咗中信泰富榮太子榮智健。
本報馬版同事收料話榮太子因頸部做過手術，健康欠佳所以唔選，同時佢亦太忙，寧願做名譽董事好過。
當然重有人話佢對跑馬嘅興趣大不如前，已經好少入馬會；而坊間重有人話有人向中央打太子小報告，話佢鋒芒太勁，所以要收斂吓，呢啲傳聞都好難求證。
本來大家都以為榮太子個位會由佢頭號大員范鴻齡出嚟參選頂上，點知最近聽講唔係，皆因中信喺澳門有大計，怕有利益衝突，所以都係唔選。
結果今次分分鐘許晉奎有機會出線，而簡文樂亦一定會選，到時都會有一番競逐，馬會選董事當然係小圈子選舉，只有有投票權嘅會員先有得投票，其他小會員就等宣布結果。
傳真︰2623-9278
電郵︰