港股本來好好哋，但外圍唔掂，港股暫難有運行，短期內啲Put輪會成為炒作主角。
個市若然唔係低開得太多，恒指Put輪若然唔係升得太多，都可以小炒，對象係9777同2184。9777喺9月到期，輪價14.9仙，溢價3.2%，槓桿率19.3倍。2184明年1月夠鐘，輪價19.9仙，溢價8.6%，槓桿率11.1倍。
國企股若然唔係低開得太多，中企指數Put輪亦可小炒，對象係9955，10月到期，輪價19.2仙，溢價7%，槓桿率7.8倍。
但如果大市跌得太多，買恒指Put輪則恐怕水位唔夠，就不如袖手睇定先，等再跌多啲，調轉頭，喺低位撈Call輪。恒指Call輪對象有9799同9914。9799喺9月尾到期，輪價11.8仙，溢價1.4%，槓桿率16.9倍。9914喺10月尾夠鐘，輪價22.3仙，溢價1.3%，槓桿率11.1倍。中企指數Call輪對象有9948，喺10月尾夠鐘，輪價12.1仙，溢價6.6%，槓桿率9.9倍。
上星期，地產股最醒神，呢幾日環境有變，有可能會跌番轉頭，地產股Put輪又會炒一陣。但地產股勢強，遲吓大市跌定，又或者美股彈番，地產股又有機會成為主角。
兩手準備，地產股短期若然跌得唔多，揸入Put輪，若跌得太多，則揸入Call輪。新世界（017）同恒地（012）啲窩輪咪玩，玩就玩新地（016）同長實（001）啲窩輪。
章盛