裏原宿水貨界猛人「UA強」，生意遍布銅鑼灣同尖沙嘴，江湖傳聞佢喺利時間舖屬自置物業；早兩年更同愛妻於青衣建立猿人溫馨小天地，方便「UA強」往返機場，趕搭UA晨早09班機；鄰居形容兩夫妻的感情，就似猿顏迷彩般歷久常新。不過幸福故事背後總有隱憂，因為「UA強」作風有時囂張，開罪不少同行，強嫂經常要為他平息風波而四出頻撲，兩小口子更不時因此發生爭吵。
據他們的身邊好友說，「UA強」最近得罪咗日本嘅有勢力人士，「早排原宿猿人牌幫香港嘅『儍氣事』搞咗件CrossoverTee，因為屬香港特別版，所以喺日本炒舖有巿，聽講日本拆家問呢邊嘅『UA強』有冇辦法搵幾件？佢明知冇計，便索性話件衫係假嘢，由啲廠佬偷批真Tee出嚟加工，吹到似層層。點知謠言傳到大阪當地個炒舖龍頭度，龍頭聽後好嬲，認為佢有心造謠影響炒巿，立即喺香港搵人叫『UA強』收口，強嫂知道後驚出事，已飛咗去大阪向龍頭解畫。唉！有時男人喺出面亂生事，要個女人嚟跟手尾，其實好傷感情㗎，你睇吓瘦身女強人嘅愛情故事就明白喇。」
主持人：大食Jack
八卦熱報：