章小蕙、任葆琳和陳煒等昨日為纖體公司挑選代言人，三十個爭取入圍的參賽者聲淚俱下親述肥胖困擾。章小蕙則寄語入圍者選擇纖體公司不及揀好男人重要，她說：「你搵個更好嘅男人重有用。」
蕭若元兒子蕭定一旗下纖體公司「變靚D」，上周在銅鑼灣舉行纖體代言人招募活動，吸引六百名男女排隊，三十名入圍者昨日在佐敦進行第二次面試，爭取十五個纖體名額。大會更請來章小蕙、任葆琳、陳煒和肥媽Maria等任評判，負責揀選纖體代言人。
三十名入圍者有共重逾三百磅的情侶Yan及Samson、領綜援無錢減肥的Fanny、希望減肥成功結婚的Charlotte等，各參賽者憶述肥胖困擾、遭人奚落歧視、因過重被情人拋棄等經驗，不少講得聲淚俱下，而評判肥媽Maria亦受感染落淚。
章小蕙穿上tubedress示人，她表示同情參賽者的遭遇，但有部份減肥目的是錯的，她說：「有case係要瘦咗、變靚之後威畀舊愛睇，呢種報復心係錯，係受人哋支配。其實揀好纖體公司唔及揀好男人重要，你搵個更好嘅男人重有用。」蕭若元胞姊蕭若慈即時黑面說：「好男人可遇不可求。」
章小蕙又表示近日體重回升十二磅，但不會刻意減肥，她說：「減肥最速效嘅方法就係戒除中國四大發明粥、粉、麵、飯。我生完仔女，佢哋由零至四歲都係我自己照顧，人哋食飯，我就抹屎尿屁。」
採訪、攝影：JessicaNgan
