港姐開盤12號符思思大熱
4號鄧慧琦最冷睇樓撞玻璃

網上博彩公司「易勝博」近日為今屆港姐選舉開盤，5號楊施詩、12號符思思和18號黃綺雯以一賠五成為大熱。而賠率最冷的4號鄧慧琦昨參觀樓盤時，竟大頭蝦撞向玻璃，額頭又紅又腫，被取笑名副其實的「睇樓起樓」。

今屆香港小姐雖然被指質素平平，但網上博彩公司「易勝博」（easybet）仍以今屆港姐開盤，在芸芸佳麗中，5號楊施詩、12號符思思和18號黃綺雯以一賠五成為頂頭大熱，而8號沈
玩遊戲無人問津
至於一班候選港姐前晚出席樟木頭舉行的「2004香港小姐樟木頭旅遊嘉年華」，眾人除了表演歌舞和魔術之外，更與現場觀眾玩遊戲。其間4號鄧慧琦獻唱時，竟頻頻甩嘴兼走音；而2號余妍慧、7號梁韻儀和14號曾嘉儀在邀請現場觀眾玩食西瓜遊戲時，竟無人問津，認真尷尬。
不過，最瘀的要數4號鄧慧琦，昨日她與一班佳麗參觀樓盤示範單位時，竟未有留意露台原來安裝了玻璃，結果她整個頭撞進去，額頭即時紅腫一片，被取笑「睇樓起樓」，但4號鄧慧琦竟撐說：「塊玻璃太乾淨，自己一時睇唔到。」及後佳麗在泳池邊大合照時，突然發現有一老伯正在游水，由於眾人穿上短裙，為怕在對方面前春光乍洩，一班佳麗即鳥獸散般彈開。

余妍慧自信質素佳
此外，有報道指2號余妍慧是屋邨港姐，家住觀塘樂華邨，但為怕被人發現，返家時刻意閃縮，對此余妍慧否認說：「我唔介意俾人話屋邨港姐，最重要有質素參選港姐，住邊都冇所謂。」
記者卓寶花、陳偉權樟木頭直擊