當民主黨、民建聯、自由黨、甚至連算穩陣嘅范太，個個告急好驚輸，全香港淨係得民主女神余若薇坐定粒六最安全，早排重同一家人去咗新西蘭旅行。
噚日（星期六）宣布參選嘅余大狀話，佢去新西蘭「跌低咗好多次」，原來余大狀去咗玩滑雪成日跌親，佢話喺選舉前滑雪係有好重大意義，因為滑雪成日都會跌親，每次跌咗就要企番起身，攞嚟做選舉熱身真係好啱。
其實余大狀都唔使擔心咁多，除非佢報錯名，報錯咗參選商界工業界，如果唔係又點會跌低選唔到呢？
另一個令余大狀放心出外嘅原因，係佢嘅民望，佢張名單簡直係吸票機，贏一至兩席全冇問題，一個唔好彩，連幫佢上位嘅白鴿黨鐵票都吸埋過嚟，你話幾大鑊，於是出現李柱銘同楊森兩位前任同現任主席為邊個排第一，邊個排第二嘅爭拗，因為一個位，民主黨就保證一定得，第二個位就要靠選民識唔識分票。
傳真︰2623-9278
電郵︰