鄭少秋前晚到港台接受曾華倩及李力持訪問，他透露早前與太太官晶華及兩位女兒到日本旅行，他說：「去咗迪士尼玩，行到我死死吓。」提到欣宜到日本拍廣告被狗仔隊跟拍至大哭，秋官說：「肥姐冇同我講喎，我都係睇報紙先知。咪由佢哋影囉，一係唔做，做就預咗咁㗎啦，我都俾狗仔隊跟過啦，呢啲係呢行嘅副產品，愈避就愈影響心情，如果佢跟入廁所，咪拉佢囉。」
秋官謂有次欣宜在加拿大時，被記者衝出來拍照而嚇致大哭一場，秋官說：「我同佢講預咗要有咁嘅事。」秋官謂欣宜沒有對他說會否入行，他續說：「佢話讀完大學先，不過呢行都冇乜唔好，都係職業，唔好期望太高囉，佢唱歌都唔錯㗎。」
採訪、攝影：馮美茵