花旗銀行今年大搞CitiGold呢個財富管理嘅品牌，除咗勁賣廣告之外，禮拜一（明日）重專登搞咗個CitiGold璀璨「金」夜，邀請佢哋選定嘅客戶，同埋一班特別名媛嘉賓，去見證佢哋CitiGold貴賓尊賞計劃。個計劃嘅詳情，留番畀主人家講。
不過，八方打聽到，花旗呢個晚宴好大陣仗，開咗三十五圍，準備芝華士威士忌同雪茄，現場擺放賓利豪華房車。
至於節目方面，當然唔少得黃霑同顧家煇呢對金牌拍檔嘅表演，更有上海灘同DorianHo嘅時裝表演。
不過，獲邀嘅朋友記住，要着禮服出場，更要配襯金色飾物，話要襯番個場合咁話，事關到時，成個場都會「金」碧輝煌㗎。唔知八方同埋行家嗰日去採訪使唔使着金色衫。
傳真︰2623-9278
電郵︰