瘦身跟食物，兩者不能共存？未必。最近不少纖體公司，就利用天然食物，進行一個徹底嘅瘦身水療法，唔單只幫你去脂、重可以收緊肌膚、排清毒素同埋去水腫㖭。感覺比做機舒服之外，重可以滿足食「浴」，歎番個美味Spa！
記者：吳嘉怡
攝影：伍慶泉
模特兒：Sammi（StarAsia）
一缸西柚，不飽口福也至少能飽眼福。要知道西柚有消脂及美顏功效，除此，纖型浴還使用含有胡椒成份的死海礦鹽，而胡椒同樣具有分解脂肪的效果，簡直雙重消脂！做完Spa後當皮膚溫度尚未下降之前，再在身體的肥胖部位按摩一番，消脂效果更佳。
用後感：西柚汁完全融喺水中，感覺好滲透，做完肚腩Firm咗，又可自己調校用冷水或熱水，聞到那些又酸又甜嘅西柚，更加醒神！
BeautyForever
地址：中環皇后大道中38-48號萬年大廈14/F
電話：28694666
價錢：$388?試造價，原價$1,088（45分鐘）
綠茶中的兒茶素，有助分解脂肪、降血壓、抑制膽固醇上升、及消滅金黃色葡萄球菌等功效，能夠減少體內脂肪積聚，加速血液循環，排毒功效顯著。加上其含有豐富的多酚及維他命E，同時具美白及抗癌功效。
用後感：療程前經常去唔到大解，但回家後竟然變得暢通無阻，真神奇！
AsoSpa
地址：中環皇后大道中10號中航集團大廈16樓
電話：25252578
價錢：雙人水療試造價$240（原價：$600），木瓜蜜糖身體膜試造價$300（原價：$650）。整個療程85分鐘，優惠期至8月31日為止，只限首次優惠。
肥胖有好多種，其中淋巴系統失調，導致體內積聚大量毒素造成的水腫現象最為普遍。要趕走水腫，不妨浸食用海鹽。因海鹽具有清潔滋潤皮膚、消除疲勞、補充肌膚所流失的鹽份等功效，能排清體內毒素及促進血液循環，幫助身體來個大掃除！
用後感：浴缸中有幾個噴水位，感覺有啲似係被人手按摩咁舒服，加上不停流汗，水腫身形縮細咗1/4個碼！
OasisSpa
地址：銅鑼灣羅素街38號金朝陽中心6樓
電話：29703328
價錢：$320（30分鐘）
利用含有可食用嘅海藻同礦物泥混合而成的Spa，當中嘅礦物質成份極高，能排解毒素及加速新陳代謝。同時依古印度醫學理念的傳統古法治療性按摩，配合熱石包按摩人體7個不同穴位，以刺激經胳及脈門。尤其適合易攰、肌肉鬆弛者。
用後感：未做之前好抗拒黑𤷪𤷪嘅泥漿，但做完上水嗰下，即刻要飲水同去廁所，排汗又排毒！
HealingHandsYogaMassage&Spa
地址：銅鑼灣謝菲道500號維安商業大廈17樓A
電話：28919195
價錢：$450?試造價，原價$890（包括土耳其浴及七輪熱石球按摩，整個療程約120分鐘）
浸浴前先進行全身磨砂（需時約20-25分鐘）及沖身。然後才將酒精濃度高的紅酒放入浴缸內，浸泡10-15分鐘。肌膚吸收紅酒精華後，有助行氣活血、刺激循環系統、更有收緊作用。皮膚粗糙、肌肉鬆弛或年紀較大者都啱做。
用後感：紅酒配合水力按摩令我有被燃燒的感覺，加促血液循環。做完摸摸自己背部，肌肉收緊咗，重帶點紅酒味，感覺幾好！
PhilosophySpa
地址：香港銅鑼灣世貿中心1401-03室
電話：31677998
價錢：$388?試造價，原價:$1,280（90分鐘）
水裏加入了豐富礦物質嘅海藻精華，它具有消脂排水的功效，能滲入皮膚有效加速新陳代謝及脂肪燃燒，同時可鬆弛緊張肌肉，紓緩疲勞，分解脂肪，將毒素排出體外，保健減壓之餘同時可達收緊肌膚及美白之效。
用後感：浴缸配有22個不同按摩器，手、腳、腰、腿、膊同頸統統都顧及到，小腿肌肉重明顯收緊咗。
Stress-EaseSPA
地址：香港天后廟道3號鴻安大廈地下（天后地鐵站A1出口）
電話：31040931
價錢：$598?體驗價（包括全身嫩膚護理15分鐘、海藻水療纖體浸浴15分鐘，及瑞典式背部按摩15分鐘），原價：$1,560。
浸浴知多啲
1.瘦身水療，多於浸浴前後配合其他如按摩、BodyWrap等一整個療程來做，以增效果。
2.浸浴不宜太飽或太餓。另外，皮膚敏感、心臟病、血壓高、孕婦、甲狀腺有毛病者，都不宜浸浴。
3.最佳的浸浴水溫一般為36-42度、時間則約15-30分鐘，並記住多補充水份。