許志安昨日到旺角新世紀廣場出席某雜誌舉辦的頒獎禮，安仔指鄭秀文（Sammi）於演唱會上演繹《唯獨你是不可取替》一曲時落淚，是因為該曲十分感人，他又表示與Sammi是兩囗插刀的好友，隨時準備幫她。
許志安、梁詠琪、關心妍（Jade）、李彩樺和梁漢文等人昨日到旺角出席「PM第三屆人氣歌手奪標頒獎禮」，安仔被問到鄭秀文於演唱會上演繹他的《唯獨你是不可取替》一曲時感觸落淚，安仔為Sammi解釋說：「呢隻歌真係好感動。」問他在演繹該曲時會否同樣落淚？他卻說：「我無端端點會唱呢隻歌。」安仔更表示絕不介意林海峰在演唱會上拿他與Sammi作為開玩笑的對象。
提到歌迷覺得他與Sammi是大家心目中的童話故事，安仔表示：「大家唔好睇得咁重，𠵱家咁重好啦，我哋係好好嘅朋友，係兩囗插刀嘅好朋友，佢叫我幾時出嚟就幾時出嚟，我遲啲都會開演唱會，到時如果要佢幫手都會叫佢。」記者表示前晚Sammi在演唱會上，有一名姓許的歌迷上台獻唱，安仔即時說：「吓，咁邪。」
安仔又透露隨時會捧Sammi場，他續說：「佢有乜諗法叫我做我咪做囉，朋友嘅定義係唔需要講咁多嘢。」
此外，日前有指阿Jade的寫真集胎死腹中，但昨日於活動上大會卻免費贈送阿Jade的寫真，問到阿Jade有否向公司了解此事，她說：「我自己都覺得好突然，可能雙方喺夜晚同今朝之間得到妥協，本來寫真諗住書展出，總之𠵱家有得出就好開心。」
阿Jade所屬的唱片公司總經理黃志強昨日亦說：「總之我哋雙方傾好咗，出版商都有同我講佢哋損失好多，我都希望可以喺漫畫展搞番個簽名會補數。」問到會否怕被人指今次事件是宣傳手法，黃志強則表示：「損失慘重點會係宣傳呀，不過損失咗幾多就要問番出版商啦。」
採訪：李珮洳 攝影：何國豪
