應采兒前晚出席名車派對，她透露計劃報考車牌，考試當日將穿着性感迷你裙，希望順利過關。而處於婚姻冷靜期的施念慈和陳鴻業則前後腳赴會，在場內更視如陌路人。
賭王何鴻燊千金何超瓊、應釆兒、馮德倫、施念慈夫婦和姚樂碧等，前晚往尖沙嘴三號碼頭出席名車MINICabrio派對，穿上金色LV低胸裙的超瓊表示裙子很緊，所以不擔心走光。
應釆兒前晚表示正準備報考車牌，預算花二十多萬購買新車，她說：「呢架MINICarbio都幾啱我預算，我重諗住考車嗰日着迷你裙，或者會容易啲pass。」她表示在美國曾揸大膽車，她說：「嗰次係中秋節，我同班朋友帶埋月餅去賞月，結果開快車時太刺激，鍊碎晒啲月餅。」
而超瓊早前與胞妹何超儀等往葡萄牙看歐洲國家盃兼度假，其好友張曼玉（Maggie）穿比堅尼與男友游泳曬太陽時遭偷拍，超瓊前晚戥她不值說：「Maggie真係慘，去度假着成咁係好正常，心情都會relax啲，但係都避唔過狗仔隊，嗰張走光相我覺得係角度嘅問題。」
問超瓊以後出外度假會否提高警覺？她說：「我工作咁忙，已經好少時間旅行，我唔會因為呢啲因素影響我度假嘅心情，不過Maggie呢件事之後，我諗我都唔敢裸曬。」
另外，正處於冷靜期的施念慈和丈夫陳鴻業，前晚先後到場，進場後二人視如陌路，施念慈表示因感情問題而心情不佳，已消瘦了五磅，問她與陳鴻業有沒有復合機會？她說：「我心裏有數，呢個冷靜期起碼要幾個月，我唔想大家到最後始終都係相處唔到。」
問施念慈婚姻亮紅燈是否年齡差距問題？她說：「唔係，係性格問題。」她又表示會收拾心情投入工作，遲些會接拍劇集。
採訪：JessicaNgan
攝影：EdwardChou
