民主黨流年不利，早幾日俾個前僱員話黨高層迫佢認拋煙頭出車，又有人去報警話民主黨妨礙司法公正，噚日終於真相大白，自由黨成員李漢城同傳媒爆料，係佢親自檢舉個司機拋煙頭出車，重話如果司機唔認罪，可以上庭做證，又話如果何俊仁做辯方律師，想同佢喺法庭拗。不過佢怕且冇機會，因為張告票係畀民主黨，民主黨一早諗住認罪，係個司機唔肯，死話冇拋煙頭出車，咁民主黨諗住為佢提供法律意見，話好難打贏官司，個司機又覺得民主黨迫佢認罪，𠵱家有李漢城做證人，民主黨班高層應該安樂晒，唔怕俾人用嚟做選舉抹黑材料！
難怪民主黨有人話媽田應該請田少飲茶，恭喜佢個黨有個咁見義勇為嘅黨員，當日報警話民主黨妨礙司法公正嘅人，就真係枉作小人囉！
傳真︰2623-9278
電郵︰