樓上講外國舞台劇，今個星期碟場都有一套非常有份量嘅港產音樂劇登場──《馴情記》（VCD）。內容環繞三個屋邨青年的成長回憶，帶出兩段同性及異性戀故事；最特別處係有貼身感覺，由80年代在屋邨成長的童年回憶講起，例如齊齊學抽煙、組織樂隊、參加歌唱比賽、聖誕夜上山頂又唔識路，或者！大家可以從中看見自己昔日影子！
其實故事是由名DJ茜利妹所寫，並由創作歌手林一峰，以14首現場演繹的歌曲串組而成，而且當中有一半歌曲，是從未在舞台劇以外公開發表；戲劇部份都有一定水準，03年在藝術中心公演十場，連場爆滿，更被香港劇評家譽為03年最佳舞台劇之一。
記者：朱崇德
W創作社 電話：91009341