有線寬頻一用戶因欠兩元手續費未付，一個多月間被職員來電提醒繳費達六次，另一次以電子郵件形式寄來繳款通知書，令用戶不勝其煩。有線寬頻指事件屬誤會，一個月七次聯絡用戶只是提醒，並非追收或催收。
「我見下次喺7月中先至畀錢，咁我咪諗住等到嗰時先畀埋嗰兩蚊囉，點諗到有線寬頻會喺一個幾月內，打成6次電話嚟追我畀兩蚊，重出埋e-mail（電子郵件），咁樣淨係成本都唔止兩蚊啦！」
坦言大受滋擾的吳小姐表示，她5月底透過便利店繳交有線寬頻上網服務費用，之後在新合約下，因首月月費免付，她要待7月中才需再次繳付月費。不久，她即收到有線寬頻職員來電，通知她5月底繳費時，尚欠兩元手續費未付。當時她已向職員表明，她會於收到下期帳單時一併繳付。
但是，她其後仍不斷收到職員來電，要求她早日繳付兩元手續費。她語帶不滿地表示，「我同佢哋職員講過好多次，我會喺下期帳單寄嚟時交埋。𠵱家爭兩蚊又唔係差兩萬，使唔使咁大費周章，追我追得咁緊呀，一個幾月追咗我七次咁多！」
「我同佢哋講咁樣好滋擾我啫，但嗰個職員話唔會理咁多，總之電腦顯示我爭兩蚊，佢哋就會不停咁追我交錢。我好唔明白點解佢哋咁做法，點解唔可以將嗰兩蚊撥落去下期？」
她稱，曾有職員表示，若她不繳付該兩元，會於七月底終止其上網服務。
有線寬頻回覆本報稱，因吳小姐於五月底是在便利店繳費，故需額外多付兩元手續費，繳費通知書上已列明此點。
有線寬頻稱，因電腦紀錄顯示吳小姐尚欠兩元未付，加上其間她曾享一個月免費上網，當中有一個多月時間空檔，該公司職員才多次聯絡她，提醒她需交回兩元手續費，並非追收或催收，相信純屬誤會而已。
（○七一七○七五）
法律界人士黃國桐認為，有關公司可能因「埋唔到數」，遂要求客戶將兩元歸還；由於該兩元並非客戶使用服務費用而是手續費，有關公司將來是否可以委託追數公司追討，要視乎公司與客戶簽訂之合約內容。但為保障自己，客戶宜盡快將款項交回。
服務熱線
電話：29908288
傳真：23702192
電郵：