日本女歌手宇多田光，連續兩星期為改革後嘅日本音樂雜誌《oriconstyle》做封面，而且更喺雜誌嘅投票中，得到二萬位fans支持，成為最受歡迎歌手No.1。光妹喺噚日啱啱出版嘅雜誌度，話冇諗過會有咁多人支持，所以都唔知點算好喎。另外，下星期佢會再以utada嘅身份上封面，順便為十月喺美國推出嘅細碟做宣傳。